МэдээМэдээлэл

Үйлдвэрлэлийн технологийн сургууль

ШУТИС-ийн оюутнууд БНСУ-ын Кунжу Үндэсний их сургуулийн магистр, докторын сургалтад хамрагдах боломжтой боллоо

2017.04.25 00:00:00

 

Кунжу Үндэсний Их Сургуулийн танилцуулга:

Кунжу үндэсний их сургууль нь 1948 онд Багшийн коллеж нэртэйгээр байгуулагдаж байсан бөгөөд 1991 онд их сургуулийн статуст шилжин боловсролын үйл ажиллагаагаа улам өргөжүүлэн ажилласаар ирсэн. Одоогоор сургуулийн кампус Есан /Yesan/, Гонгжу /Gongju/, Чонан /Cheonan/ гэсэн 3 хотод байрлаж нийт 22.000 оюутан 7 салбар сургуулийн 99 төрлийн мэргэжлээр бакалавр, магистр, докторын түвшний сургалтад суралцаж байна.

Тус их сургууль нь Даедок шинжлэх ухааны хот, Сэжон хот болон Сөүл хотын ойролцоо байрладаг тул дотоодын болоод олон улсын оюутнууд олноор ирж суралцахын зэрэгцээ Солонгос улсдаа тэргүүлэх их сургуулийн нэг бөгөөд цаашид оюутны хотхоныг дэлхийн түвшинд нийцсэн орчин болгох зорилт тавин ажиллаж байгаа юм.  

Энэхүү зорилгодоо хүрэхийн тулд суралцагчдын шаардлагад нийцсэн сургалтын таатай орчинг бүрдүүлж чадварлаг багш, профессоруудын удирдлага доор хөдөлмөрийн зах зээлд өрсөлдөх чадвар бүхий төгсөгчдийг бэлтгэн гаргах үйлст шамдан ажиллаж байна. 

Шинэ оюутны тэтгэлэг:

  • Global cooperation scholarship: Шинээр элсэн орж буй оюутнуудад эхний улирлын сургалтын төлбөрийн 64%-г хөнгөлнө. (Жишээ нь: Хүмүүнлэгийн болон нийгмийн шинжлэх ухааны сургууль : Нэг улирлын сургалтын төлбөр 1,765,000 вон тэтгэлэгт оюутан 618,000 вон төлнө). Дараагийн улирлаас сургалтын дүнгийн амжилтаас шалтгаалж хөнгөлөлт эдэлнэ.
  • Хэрэв оюутан нь шинээр элсэн орохдоо эсвэл суралцаж байх хугацаандаа ТОПИК шалгалтын 4-р түвшинд тэнцвэл 1 жилийн сургалтын төлбөрөөс 100% чөлөөлнө.

ШУТИС-ийн оюутнууд БНСУ-ын Кунжу үндэсний их сургуулийн магистр, докторын сургалтад тэтгэлэгтэйгээр хамрагдах хүсэлтэй, шаардлага хангасан нэр дэвшигчид дараах материал бүрдүүлж өгнө үү.  Үүнд:

Тавигдах шаардлага:

  1. Голч оноо 3.0-оос дээш
  2. ШУТИС-ийн төгсөгч, эсвэл энэ жил төгсөх оюутан байх
  3. Хэлний шаардлага: ТОПИК-3 ба түүнээс дээш, IELTS-5.5, IBT-80 ба түүнээс дээш

Бүрдүүлэх материал (англи хэлээр):

  1. Өөрийн танилцуулга (CV)
  2. Дүнгийн хуудас
  3. Сургуулийн тодорхойлолт
  4. Суралцах төлөвлөгөө (Study plan)
  5. Тодорхойлох захиа-2 (Recommendation Letter)

Материалыг 4 дүгээр сарын 28-ны өдөр хүртэл ШУТИС-ийн Гадаад хэлний институтийн захирлын туслахын өрөө (1-421)-д хүлээн авч, Кунжу үндэсний их сургуулийн Гадаад харилцааны албанд явуулан тухайн оюутныг сургах салбар, тэнхим сонгон шалгаруулалтыг хийнэ. Сонгогдсон нэр дэвшигч нь ГХИ-ийн солонгос хэлний сургалтад 320 цаг суралцаж, 9 сараас  Кунжу үндэсний их сургуульд суралцана.

Жич: Суралцах сургуультай холбоотой мэдээлэл болон мэргэжлийн ангийг доорх линкээс харна уу.

http://english.kongju.ac.kr:8090/academics/graduate.jsp#null

                               Гадаад хэлний институт

                               1 байр 421 тоот

                               Утас: 11-321974, 88064063

Сүхбаатар дүүргийн засаг даргын захирамжийн дагуу 2017 оны 10 дугаар сарын 13-ны өдөр Үйлдвэрлэлийн технологийн сургуулийн оюутнууд хичээлийн 1-р байр, Т байр, хичээлийн 4-р байрны гадна талбайн хог хаягдал, шарлаж унасан навч зэргийг цэвэрлэв.  Хичээлийн 1-р байр: Хүнсний инженерчлэлийн салбарын эрхлэгчийн туслах Б.Насанжаргал, сургалтын мастер Б.Буянзаяа нарын удирдлаган дор 19 оюутан    Хичээлийн Т байр: Биотехнологи, шим тэжээлийн салбарын сургалтын мастер Б.Нандин-Эрдэни...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

“УРЛАХУЙН ЕРТӨНЦ-2016” НААДАМ АМЖИЛТТАЙ БОЛЖ ӨНДӨРЛӨЛӨӨ

2016.04.29

ШУТИС-ийн ҮТС –иас уламжлал болгон зохион байгуулдаг “УРЛАХУЙН ЕРТӨНЦ”  наадам 2016 оны 4-р сарын 22-ний өдөр ШУТИС-ийн Урлаг зааланд амжилттай болж өндөрлөлөө.    &...

“ДЭЛХИЙН ДИЗАЙНЫ ЧИГ ХАНДЛАГА: ХАЯГДЛЫГ ХУДАЛДАХ БОЛОМЖ” сэдэвт загвар урлалын онол практик хосолсон сургалт амжилттай зохион байгуулагдлаа.

2016.06.10

 “Монголын инновацийн 7 хоног” (#MIW2016) арга хэмжээний хүрээнд “ДЭЛХИЙН ДИЗАЙНЫ ЧИГ ХАНДЛАГА: ХАЯГДЛЫГ ХУДАЛДАХ БОЛОМЖ” сэдэвт загвар урлалын онол практик хосолсон масте...